Энергетика вазирлиги штаби томонидан 2022 йилнинг 1—15 март кунлари давомида истеъмолчиларнинг табиий газдан фойдаланиш ҳолатлари таҳлил қилинди, деб хабар беради вазирлик матбуот хизмати.
Ўтказилган тадбирларда, март ойининг ўтган 15 куни давомида республика бўйича 106 та ҳолатда улуржи истеъмолчилар томонидан амалдаги қоидаларга риоя этмаган ҳолда 7 миллион 864 минг куб метр ҳажмдаги табиий газдан ноқонуний ва нооқилона фойдаланиш ҳолатлари аниқланган. Бунинг натижасида газ таъминоти корхоналари манфаатларига 7 миллиард 646 миллион сўм зарар етказилган.
Ушбу миқдордаги табиий газ 583 минг хонадоннинг бир кунлик (ёки Фарғона ва Наманган вилоятлари жами аҳоли хонадонларининг 1 кунлик истеъмолига тенг) истеъмолини ташкил қилади.
Ноқонуний фойдаланиш ҳолатларининг энг кўпи – Фарғона вилоятида 5 миллион 6 минг куб метр ёки 5 миллиард 6 миллион сўм, Бухоро вилоятида 1 миллион 128 000 куб метр ёки 1 миллиард 127 миллион сўм ҳамда Сурхондарё вилоятида 596 минг куб метр табиий газ ёки 593 миллион сўмни ташкил этган.
Аниқланган барча ҳолатлар бўйича тегишли ҳужжатлар расмийлаштирилиб ҳуқуқни муҳофаза қилувчи органларга тақдим этилган.
Эслатиб ўтамиз, Ўзбекистонда 2022 йилнинг январь—февраль ойларида бир миллион хонадоннинг бир кунлик истеъмолига тенг миқдордаги табиий газдан ноқонуний фойдаланиш ҳолатлари аниқланган эди.
Мавзуга доир:
- Тошкент вилоятидаги заправка 623 млн сўмлик газдан ноқонуний фойдалангани аниқланди
- Энергетика вазирлиги қарийб 17 минг хонадоннинг 1 кунлик истеъмолига тенг газдан ноқонуний фойдаланилганини аниқлади
- Тошкент вилоятидаги иккита газ заправка 100 минг хонадоннинг 1 кунлик истеъмолига тенг газдан ноқонуний фойдалангани аниқланди
Изоҳ (0)