Футбол бўйича Европа Чемпионлар Лигаси нимчорак финал жавоб учрашувларидан ўрин олган икки баҳс 9 март, чоршанба куни бўлиб ўтди.
«Реал» Мадридда «ПСЖ»ни қабул қилиб, 3:1 ҳисобидаги ғалабани қўлга киритди. Асосан парижликларнинг устунлигида ўтган биринчи таймнинг 39-дақиқасида Килиан Мбаппе қарши ҳужумни гол билан якунлаб, ҳисобни очишга муваффақ бўлди. Жамоалар танаффусга шу ҳисобда йўл олди.
Иккинчи 45 дақиқаликни ҳар иккала жамоа вакиллари ҳужумлар билан бошлади. 61-дақиқага келиб, Карим Бензема Жанлуижи Доннарумманинг қўпол хатосидан кейин мувозанатни тиклади. 76-дақиқага келиб, Карим Лука Модричнинг ажойиб узатмасини голга айлантирган ҳолда дублни расмийлаштирди. Орадан икки дақиқа ўтиб эса Бензема ҳет-трикка эришди. Франциялик ҳужумчи ушбу вазиятда қарши ҳужумни гол билан якунлаб қўйди.
Шу тариқа «Реал» иродали ғалабани қўлга киритган ҳолда Чемпионлар Лигасининг 1/4 финал босқичига йўл олди. Икки ўйин натижасига кўра ҳисоб 3:2 ни ташкил қилди.
«Манчестер Сити» ўз майдонида «Спортинг»ни қабул қилиб, 0:0 ҳисобидаги дурангга имзо чекди. Жамоаларнинг дастлабки баҳсида «шаҳарликлар» 5:0 ҳисобидаги ғалабани тантана қилганди.
8 март куни ўтказилган баҳсларда «Бавария» ва «Ливерпуль» кейинги босқич масаласини ҳал қилганди.
Европа Чемпионлар Лигаси
1/8 финал, жавоб ўйинлари
9 март, чоршанба
«Реал Мадрид» Испания – «ПСЖ» Франция 3:1
Голлар: 0:1 – 39 Мбаппе, 1:1 – 61 Бензема, 2:1 – 76 Бензема, 3:1 – 78 Бензема.«Реал»: Куртуа, Карвахаль (Васкес, 66), Алаба, Милитао, Начо, Модрич, Кроос (Камавинга, 57), Вальверде, Бензема, Асенсио (Родриго, 57), Винисиус Жуниор.
«ПСЖ»: Доннарумма, Ҳакими (Дракслер, 88), Маркиньос, Кимпембе, Мендеш, Данилу Перейра (ди Мария, 80), Верратти, Паредес (Гуйе, 71), Месси, Неймар, Мбаппе.
Огоҳлантиришлар: Паредес (7), Начо (43), Винисиус Жуниор (44), Карвахаль (60), Доннарумма (61), Ҳакими (81), Кимпембе (83), Васкес (88).
Дастлабки ўйин — 0:1.
«Манчестер Сити» Англия – «Спортинг» Португалия 0:0
«Манчестер Сити»: Эдерсон (Карсон, 73), Райли, Стоунз, Ляпорт (Мбете-Тату, 84), Зинченко, Фернандиньо, Гундўған, Бернарду Сильва (Маҳрез, 46), Фоден (Макати, 46), Стерлинг, Габриэль Жезус.«Спортинг»: Адан, Порро (Эшгайю, 78), Нету (Феддал, 89), Коатес, Инасиу, Матеус Рейс, Сарабия (Эдвардс, 58), Угарте, Слимани (Рибейру, 89), Паулинью (Нуну Сантуш, 78), Табата.
Огоҳлантиришлар: Паулинью (14), Габриэль Жезус (39), Слимани (40).
Дастлабки ўйин — 5:0.
Изоҳ (0)