Швейцария прокуратураси «ПСЖ» президенти Носсир ал-Ҳелайфи учун 28 ойлик қамоқ жазоси талаб қилмоқда.
«ПСЖ» президенти ФИФАнинг собиқ бош котиби Жером Валке билан жиноят содир этишда тил бириктирганликда айбланмоқда. Валкенинг ўзи учун эса 35 ойлик қамоқ жазоси сўралган.
Иш аллақачон кўриб чиқилган ва 2020 йил октябрь ойида Носир Ал-Ҳелайфи суд томонидан оқланган, Валке эса шартли равишда 120 кунлик қамоқ жазосига ҳукм қилинганди. КMC Sport хабарига кўра, бу гал суд жараёнлари Беллинсона федерал жиноий судининг аппеляция палатасида кўриб чиқилмоқда.
Ал-Ҳелайфи ушбу суд жараёнида beIN Media телевизион гуруҳи раҳбари сифатида иштирок этмоқда. Қатарлик функционер Жаҳон Чемпионати трансляция ҳуқуқини сотиш ишида коррупцияда айбланаётган Валкега пора бергани айтилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)