Ўзбекистон Республикаси Вазирлар Маҳкамасининг 97-сонли қарори билан Авазжон Каримов спортни ривожлантириш вазирининг маслаҳатчиси этиб тайинланди. Бу ҳақида Спортни ривожлантириш вазирлиги матбуот хизмати маълум қилди.
Қарорга кўра, спортни ривожлантириш вазирининг маслаҳатчиси мақоми меҳнатга ҳақ тўлаш, тиббий ва транспорт хизмати кўрсатиш шарт-шароитларига кўра Ўзбекистон Республикаси спортни ривожлантириш вазирининг ўринбосарига тенглаштирилган.
Авазжон Каримов бундан аввал Туризм ва спорт вазирининг ўринбосари сифатида фаолият юритган.
Маълумот учун, 18 февраль куни Туризм ва спорт вазирлиги иккита алоҳида, Туризм ва маданий мерос ҳамда Спортни ривожлантириш вазирликларига бўлинган эди. Спортни ривожлантириш вазири сифатида Адҳам Икромов тайинланганди.
Изоҳ (0)