Европа Чемпионлар Лигаси нимчорак финал жавоб баҳси доирасида «Ливерпуль» 8 март куни «Интер»га имкониятни бой берди (0:1), бироқ дастлабки ўйиндаги ғалаба (2:0) эвазига кейинги босқичга йўл олди.
Юрген Клопп «Ливерпуль»ни тўртинчи марта Чемпионлар Лигаси чорак финалига олиб чиқди. Германиялик мутахассис 2017/18, 2018/19 ва 2020/21 йилги мавсумларда ҳам ЕЧЛ чорак финалига чиққанди. Фақат Боб Пейсли мерсисайдликлар бошқарувида бу натижага кўпроқ (5 марта) эришган.
ЕЧЛ плей-офф босқичида ўн йил деганда илк бор гол урган «Интер» инглиз клубининг 15 ўйиндан иборат мағлубиятсиз сериясига нуқта қўйди. Охирги марта «Ливерпуль» 2021 йилнинг 28 декабрида «Лестер»га мағлуб бўлганди.
Шунингдек, «Ливерпуль»нинг барча мусобақалар доирасида «Энфилд»даги мағлубиятсиз серияси бир йил деганда ўз якунига етди. Бу вақт ичида «қизиллар» ўз уйида 21 та ғалаба ва битта дуранг қайд этди. Сўнгги бор Клопп жамоаси 2021 йилнинг 7 мартида АПЛ доирасида «Фулҳэм»га ютқазиб қўйганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)