Oliy Majlis Qonunchilik palatasining navbatdagi majlisi 18-fevral kuni bo‘lib o‘tdi. Unda Turizm va madaniy meros hamda Sportni rivojlantirish vazirliklarini tashkil etish masalasi ko‘rib chiqildi.

Unga ko‘ra, Turizm va madaniy meros vaziri lavozimiga Aziz Abduhakimov nomzodi ko‘rib chiqildi va ma’qullandi.

Shundan keyin deputatlar Sportni rivojlantirish vaziri lavozimiga Adham Ikromov nomzodini ko‘rib chiqdi va ma’qulladi. Ikromov 2017-yildan beri Savdo-sanoat palatasiga raislik qilib keladi.

Ma’lumot uchun, 2021-yilning iyun oyida prezident farmoniga asososan Jismoniy tarbiya va sport vazirligi hamda Turizmni rivojlantirish davlat qo‘mitasi negizida Turizm va sport vazirligi tashkil qilingan va unga Aziz Abduhakimov vazir etib tayinlangandi.