Тошкент шаҳрида севган қизи билан ўртасидаги жанжалга аралашган йигитни ўлдириб, қизни пичоқлаган шахсга суд ҳукми ўқилди. Бу ҳақда Олий суд хабар қилди.
Қайд этилишича, муқаддам судланган йигит бозорда савдо қилувчи севган қизи билан мулоқот пайтида ўртада келишмовчилик содир бўлган. Шу пайт жанжалга қизнинг таниши аралашиб, йигитдан четроққа ўтиб, гаплашиб олишни сўраган. Таниш йигит судланувчига қизни тинч қўйишини, у билан оила қура олмаслигини айтган. Йигит эса ўзида мавжуд ошхона пичоғи билан фуқаронинг кўкрак ва қорин қисмига бир неча марта уриб, қасддан ўлдирган.
У билан танишиб, ишқий муносабатда бўлиб келганмиз. Муносабатларимиз яқин бўлиб кетгани сабаб унга қарз берганман. Воқеа содир бўлган кун бозордаги иш жойимда эдим. Қўнғироқ қилиб уйга кетиб қолма, ҳозир бозорга етиб бораман, деди. Кўчадаги танишимдан 500 минг сўм қарз бўлганим сабабли қарзимни қайтаришимни сўраб ўша куни кун давомида бир неча маротаба қўнғироқ қилганди. Шу боис қарз берган танишимни кечки пайт чақирдим, мақсад қарзимни бериб юбориш эди.Судланувчи айбига қисман иқрор бўлиб, қилмишидан пушаймон эканини билдирган.Тортишув бўлаётганини кўриб, у ҳам аралашди. Танишим судланувчига эркак кишимиз, четроққа ўтиб гаплашайлик, дея четроққа олиб ўтди. Мен ҳам улар билан бордим. Танишим судланувчига жуда мулойимлик билан танбеҳ бериб, мени тинч қўйишини айтди. Иккаласи ҳам охирида ўзаро қўл ташлашишди ва икки тарафга кетдик. Бироздан сўнг судланувчи машинасидан пичоқ олиб, танишимнинг ёнига югуриб келди ва ўша ердаги арча томонга қараб судради. Улар иккаласи уришиб кетишди. Судланувчи танишимнинг қорнига қўлидаги пичоқ билан бир неча маротаба урди. Уни тўхтатиш мақсадида ўзимни уларнинг орасига урдим. Шунда пичоқ билан менга ҳам бир нечта жароҳат етказди. Ерга ўтириб, сўнг ётиб қолдим...
Сўнг ИИБ ходимлари келиб мени шифохонага олиб боришди. Воқеа вақтида судланувчи мени ўлдириш билан қўрқитмаган. Судланувчига нисбатан даъвом йўқ, фақат олган қарзини ундириб беришингизни сўрайман, — деган қиз суд залида.
Ҳолат юзасидан Жиноят кодексининг 97-моддаси (қасддан одам ўлдириш) 2-қисми «л» банди ва 109-моддаси (қасддан баданга енгил шикаст етказиш) 2-қисмида назарда тутилган жиноятларни содир этганликда айбли деб топилган. Унга тайинланган асосий жазоларни қисман қўшиш йўли билан 15 йил 2 ой муддатга озодликдан маҳрум қилиш жазоси тайинланган.
Мавзуга доир:
- Қорақалпоғистонда йигит бошқага эрга тегиб кетган севган қизини пичоқлаб ўлдирди. Қиз ўлимидан олдин йигитни айбсиз деб кўрсатма берди
- Фарғоналик йигит интернет орқали танишган қизи унга турмушга чиқмаслигини айтгани учун қизнинг уйига бориб, 2 ойлик чақалоқни ўлдирди
- Андижонда севган қизини рашк қилиб 30 ёшли эркакни ўлдиргани айтилган ўсмир 9 йилга қамалди
Изоҳ (0)