Ўзбекистоннинг қатор ҳудудларида 8—16 март кунлари кутилаётган ёғингарчилик сабабли қор кўчиш хавфи эълон қилинди. Бу ҳақда Фавқулодда вазиятлар вазирлиги хабар қилди.
Қайд этилишича, республиканинг тоғли ҳудудларида, жумладан, қуйидаги вилоятларда хавф эълон қилинган:
- Қашқадарё вилояти: Китоб, Шаҳрисабз, Қамаши, Деҳқонобод туманларида;
- Сурхондарё вилояти: Қумқўрғон, Сариосиё, Узун, Бойсун, Шеробод туманларида;
- Самарқанд вилояти: Қўшработ, Пайариқ, Нуробод, Самарқанд, Ургут, Булунғур туманларида;
- Жиззах вилояти: Фориш, Ғаллаорол, Зомин, Бахмал туманларида;
- Тошкент вилояти: Паркент, Оҳангарон. Бўстонлиқ туманларида;
- Наманган вилояти: Чуст, Поп туманларида;
- Фарғона вилояти: Сўх, Фарғона туманларида.
Эслатиб ўтамиз, «Ўзгидромет» 5—9 март кунлари кутилаётган кучли ёмғирлар ёғиши сабабли республиканинг тоғолди ва тоғли ҳудудларида сел хавфидан огоҳлантирганди. Ўзбекистоннинг 9 та вилоятида сел келиш хавфи эълон қилинган.
Шунингдек, Чимён ҳудудида ҳам 5 мартдан 16 мартга қадар қор кўчкиси хавфи мавжуд бўлади.
Изоҳ (0)