Тошкентдан Новосибирскка қўшимча авиақатновлар амалга оширилади

Тошкент шаҳридан Россиянинг Новосибирск шаҳрига қўшимча авиақатновлар амалга оширилади, деб хабар бермоқда Uzbekistan Airways.

Қайд этилишича, 9, 16 ва 23 март кунлари Тошкент—Новосибирск—Тошкент йўналиши бўйича рейслар жорий этилади. Парвозлар жадвали қуйидагича:

• Тошкентдан учиш: 14:00 (Тошкент вақти билан)
• Новосибирскка етиб бориш: 17:00 (Новосибирск вақти билан)
• Новосибирскдан учиш: 18:30 (Новосибирск вақти билан)
• Тошкентга етиб бориш: 21:30 (Тошкент вақти билан)

Эслатиб ўтамиз, Uzbekistan Airways эса Россия ҳаво ҳудудининг бир қисми ёпилиши билан боғлиқ чеклов сабаб бир қатор шаҳарларга парвозлар жадвали ва йўналишини ўзгартирди. Унга кўра, 3 мартдан 26 мартгача Ўзбекистон—Сочи—Ўзбекистон йўналишида қўшимча қатновлар жорий этилиб, Краснодар ва Ростов-Дон шаҳарларига режалаштирилган парвозлар Сочи шаҳрига амалга оширилади.

Шунингдек, Россиянинг iFly авиакомпанияси 5 март санасидан бошлаб Ўзбекистонга бажарилиши кутилаётган ҳамда барча режалаштирилган йўналишларда ўз парвозларини номаълум муддатга тўхтатганди. Шунингдек, Smartavia авиакомпанияси ҳам 7 март кунига режалаштирилган Москва—Урганч—Москва йўналишидаги парвозни бекор қилди.