Virgin Galactic Holdings Inc. компанияси 16 февралдан суборбитал парвозлар учун чипталар сотишни бошлашини эълон қилди, деб хабар беради Business Insider.
Компания 2022 йил охирига қадар космик туристларни жўнатишни режалаштирмоқда. Тахминларга кўра, биринчи босқичда орбитага минг киши юборилади, шундан кейин унинг кўлами кенгаяди. Парвозлар Ню-Мексикадан амалга оширилади ва ҳар бир парвознинг давомийлиги 90 дақиқани ташкил этади.
Чипта нархи 450 минг доллар, жумладан, 150 минг доллар депозитга қўйиш керак. Шу орқали компания чипталар савдосидан 450 минг долларгача маблағ ишлаб олиши мумкин.
Virgin Galactic раҳбарияти эришилган натижани ижобий баҳоламоқда. «Биз бизнесимизнинг ўсишини қўллаб-қувватлаш учун савдоларнинг жозибадор ва самарали моделини ишлаб чиқдик», — дейди компаниянинг тижорий ва истеъмол операциялар бўйича директори Блер Рич.
15 февраль кунги дастлабки савдолада Virgin Galactic акциялари 12 фоизга қимматлашиб, ҳар бир қимматли қоғоз нархи 8,1 долларгача чиққан.
Virgin Galactic акциялари 2021 йилнинг июнида — компания асосчиси Ричард Бренсоннинг космосга парвозидан олдин 57,51 долларлик рекорд нархга кўтарилган эди. Ўшандан буён уларнинг қиймати 86 фоиз йўқотди.
Эслатиб ўтамиз, 2021 йилнинг 20 июль куни Жефф Безос коинотда бўлиб қайтганди. Бортида Безос ва яна уч нафар одам бўлган New Shepard ҳаво кемаси космосга чиқиб муваффақиятли қўнишни амалга оширди. New Shepard капсуласи космодромдан учгач, тахминан, 350 минг фунт масофани босиб ўтди, Ер атмосферасини фазодан ажратиб турувчи Кармана чизиғидан (Ердан 100 километр узоқликда) ўзган ҳолда коинотга чиқди. Парвоз тахминан 11 дақиқа давом этган. АҚШ коинотга парвоз қилган миллиардерлар Бренсон ва Безосни астронавт деб тан олмаган.
Изоҳ (0)