Virgin Galactic Holdings Inc. kompaniyasi 16-fevraldan suborbital parvozlar uchun chiptalar sotishni boshlashini e’lon qildi, deb xabar beradi Business Insider.
Kompaniya 2022-yil oxiriga qadar kosmik turistlarni jo‘natishni rejalashtirmoqda. Taxminlarga ko‘ra, birinchi bosqichda orbitaga ming kishi yuboriladi, shundan keyin uning ko‘lami kengayadi. Parvozlar Nyu-Meksikadan amalga oshiriladi va har bir parvozning davomiyligi 90 daqiqani tashkil etadi.
Chipta narxi 450 ming dollar, jumladan, 150 ming dollar depozitga qo‘yish kerak. Shu orqali kompaniya chiptalar savdosidan 450 ming dollargacha mablag‘ ishlab olishi mumkin.
Virgin Galactic rahbariyati erishilgan natijani ijobiy baholamoqda. “Biz biznesimizning o‘sishini qo‘llab-quvvatlash uchun savdolarning jozibador va samarali modelini ishlab chiqdik”, — deydi kompaniyaning tijoriy va iste’mol operatsiyalar bo‘yicha direktori Bler Rich.
15-fevral kungi dastlabki savdolada Virgin Galactic aksiyalari 12 foizga qimmatlashib, har bir qimmatli qog‘oz narxi 8,1 dollargacha chiqqan.
Virgin Galactic aksiyalari 2021-yilning iyunida — kompaniya asoschisi Richard Brensonning kosmosga parvozidan oldin 57,51 dollarlik rekord narxga ko‘tarilgan edi. O‘shandan buyon ularning qiymati 86 foiz yo‘qotdi.
Eslatib o‘tamiz, 2021-yilning 20-iyul kuni Jeff Bezos koinotda bo‘lib qaytgandi. Bortida Bezos va yana uch nafar odam bo‘lgan New Shepard havo kemasi kosmosga chiqib muvaffaqiyatli qo‘nishni amalga oshirdi. New Shepard kapsulasi kosmodromdan uchgach, taxminan, 350 ming funt masofani bosib o‘tdi, Yer atmosferasini fazodan ajratib turuvchi Karmana chizig‘idan (Yerdan 100 kilometr uzoqlikda) o‘zgan holda koinotga chiqdi. Parvoz taxminan 11 daqiqa davom etgan. AQSh koinotga parvoz qilgan milliarderlar Brenson va Bezosni astronavt deb tan olmagan.
Izoh (0)