АҚШ Россиянинг Украина билан чегара ҳудудидан ҳарбий қўшинларнинг бир қисмини бошқа ерга кўчирилганини текшириб, барчасига ишонч ҳосил қилмоқчи. Бу ҳақда АҚШнинг НАТО альянсидаги доимий вакили Жулианн Смит маълум қилган, деб ёзмоқда «Интерфакс».
«Буни текшириб олишимиз зарур», — дея Москванинг Украина яқинидаги ҳарбий машғулотларни тугатгани ҳақидаги баёнотга изоҳ бериш юзасидан қилинган илтимосга жавоб берган у.
Америкалик дипломатнинг фикрича, бу борада кўпроқ ахборотлар икки кун ичида АҚШ расмийларининг ихтиёрига келиб тушади.
Аввалроқ Россия мудофаа вазирлиги Ғарбий ҳамда Жанубий ҳарбий округларнинг ўқув машғулотларидан темир йўл ва автомобиль транспорти орқали қайтаётганини хабар қилганди.
Изоҳ (0)