Украинада турли давлат идоралари ва катта банкларининг сайтлари фаолиятида бир неча соат давомида узилиш ҳамда тўхталишлар кузатилган. Бу ҳақда Украина ахборот хавфсизлиги маркази хабар қилган.
Қуйидаги сайтлар фаолиятида узилишлар кузатилган:
- Ички ишлар вазирлиги;
- Украина Қуролли кучлари;
- Украина маданият ва ахборот сиёсати вазирлиги;
- «Приватбанк»нинг мобил иловаси;
- «Ошадбанк»нинг мобил иловаси.
«Приватбанк»нинг айрим фойдаланувчилари мобил иловага кира олмаяпти, бошқалар эса гарчи банк ҳисоб рақамидаги маблағлар ва охирги транзакциялар ҳақидаги маълумотлар кўринмаяпти. Инвесторларнинг маблағларига хавф йўқ, қолган молиявий операциялар ҳам одатий тартибда амалга оширилмоқда. Хакер кичик носозликларни юзага келтириш тактикасини қўллаган, сабаби катта тажовузкор режаларни амалга ошириш имконсиз, дейилади Украина ахборот хавфсизлиги марказининг хабарида.
«Приватбанк»нинг матбуот котиби Олег Серга мутахассислар сервисларни тиклаш ва носозликларни бартараф қилиш юзасидан техник ишларни амалга ошираётганини қайд этган.
«Ростан ҳам «Приват24» иловасидан фойдаланишда муаммолар кузатилган, мижозларнинг авторизациясида муаммолар мавжуд. Уларни бартараф этиш юзасидан мутахассислар томонидан ишлар амалга оширилмоқда. Улар сервислар фаолиятини яқин вақт ичида қайта тиклашига умид қиламиз. Айни вақтда узилишлар сабабига аниқлик киритяпмиз ва бу ҳақида алоҳида хабар берамиз», – деган банк вакили.
Мавзуга доир:
- Украина ҳукумат сайтларига уюштирилган киберҳужумга Россиянинг алоқасини тасдиқловчи далиллар борлигини маълум қилди
- «Украиналиклар ҳаво айниса ҳам Россияни айблайди». Песков Украина ҳукумати сайтларига қилинган киберҳужумга Россиянинг алоқадорлигини рад этди
- Москвада The Infraud Organization хакерлар гуруҳининг асосчиси деб ҳисобланадиган шахс ҳибсга олинди. АҚШда ушбу гуруҳ ярим миллиард долларни ўмаришда айбланмоқда
Изоҳ (0)