Туркия президенти Ражаб Тоййиб Эрдўғон COVID-19 дан даволаниш курсини муваффақиятли якунлади, деб ёзмоқда Anadolu агентлиги.
Нашр хабарига кўра, Эрдўғоннинг сўнгги икки кун давомида топширган ПЗР-тестлари натижаси манфий чиққан. Туркия президенти 11 февраль, жума кунидан одатий ишга қайтади.
Эрдўғоннинг коронавирусга чалингани ҳақида 5 февраль куни, у Киевдан қайтгандан сўнг маълум бўлганди. Туркия раҳбарининг сўзларига кўра, у ва рафиқасига омикрон ташхиси қўйилган, касаллик енгил кечган.
6 февраль куни Шавкат Мирзиёев Эрдўғонга мактуб йўллаб, унга шифо тилади.
9 февраль куни Дания қироличаси Маргрете II ҳамда Испания қироли Филипп VI да, 10 февраль куни Буюк Британия қироличасининг тўнғич ўғли Чарльзда коронавирус аниқлангани ҳақида хабарлар берилганди.
Изоҳ (0)