Макарон ва брокколи қўшиб тайёрланадиган пишлоқли запеканка рецепти

Ушбу запеканкага қўшиладиган маҳсулотлар биргаликда ажойиб таъмни ҳосил қилади.

Керакли маҳсулотлар:

• макарон – 180 грамм;
• брокколи – 300-350 грамм;
• товуқ филеси – 450 грамм;
• паприка – 1 чой қошиқ;
• саримсоқ, пиёз кукуни – 1/2 чой қоҳиқ;
• ўсимлик ёғи – 1 ош қошиқ;
• товуқли бульон – 200-250 мл;
• қаймоқли пишлоқ – 120 грамм;
• моцарелла – 120-150 грамм;
• пармезан – 30-50 грамм.

1. Макарон ҳамда брокколи алоҳида қайнатиб олинади ҳамда совутишга қўйилади.
2. Товуқ филеси майда бўлакларга бўлинади. Паприка, пиёз, саримсоқ кукуни, туз ва зираворлар сепилиб, яхшилаб аралаштирилади.
3. Ўртача оловда товада бир ош қошиқ ёғ қиздирилади. Товуқ гўшти бир  неча дақиқа давомида қовурилади.
4. Бульон ва товуқ гўшти қайнатишга қўйилади. Суюқлик қайнагач қаймоқли пишлоқ солиниб, яхшилаб аралаштирилади. Моцарелла пишлоғининг ҳам ярми қўшилади ва эригунча аралаштирилади.
5. Сўнгра суюқликка макарон ва брокколи солинади. Барча аралашма запеканка қолипига ўтказилади.
6. Тепа қисми фольга қоғози билан ёпилади.
7. Тахминан 15 дақиқа давомида 180 даража печда пиширилад. Кейин фольга қоғози олиниб, майдаланган пармезан ва моцарелла пишлоғининг қолган қисми сепилади. Яна 10 дақиқа пиширилади.