Brokkoli qo‘shilgan qizil baliqli zapekanka retsepti

Ikki xil pishloq, mazali baliq, sarxil brokkoli va qaymoqli aralashma mazkur taomni yanada mazali qiladi.

Kerakli mahsulotlar:

• qizil baliq filesi — 250-300 g;
• feta — 200 g;
• chedder — 70-80 g;
• brokkoli — 350-400 g;
• tuxum — 6 ta;
• qaymoq — 230 ml;
• o‘simlik yog'i — 1 osh qoshiq;
• tuz.

Tayyorlanish jarayoni: 

1. Baliqni mayda bo‘laklarga, fetani kub shaklida to‘g‘rang. Chedderni katta tishli qirg‘ichdan o‘tkazing.
2. Brokkolini mayda shoxchalarga ajrating. 2-3 daqiqa davomida qaynoq suvga botirib, chovli bilan suzib oling. Sovuq suvda yuvib, suvi quriguncha qoldiring.
3. Tuxumni avval qaymoq va tuz bilan aralashtirib, keyin chedder qo‘shing.
4. Pech qolipini yog‘lang. Avval baliqni, uning ustidan feta va brokkoli shoxchalarini joylashtiring. Tuxumli aralashmani ustidan quying.
5. Taxminan, 30-40 daqiqa davomida 180 darajali issiqlikda pishiring.

Yoqimli ishtaha! Mavzuga doir:

• Tushlik uchun ajoyib tanlov bo‘la oladigan piyozli pirog retsepti
• Turshak qo‘shib pishiriladigan tvorogli zapekanka retsepti
• Ko‘katlar qo‘shib tayyorlanadigan pishloqli buterbrod
• Karam va ko‘katlardan yoqimli quymoqlar tayyorlaymiz