Товуқ гўшти, қўзиқорин ва пишлоқ қўшиб тайёрланадиган мазали котлетлар рецепти

Ажойиб таъмга эга начинкали котлетларни тайёрлаб кўришингизни тавсия этамиз.

Керакли маҳсулотлар:

• қўзиқорин – 250-300 грамм;
• пиёз – 2 дона;
• ўсимлик ёғи – 3-4 ош қошиқ;
• пишлоқ – 60-80 грамм;
• товуқ филеси – 600-700 грамм;
•  тухум – 1 дона;
•  қуритилган нон – 100 грамм;
• туз ва зираворлар.

1. Қўзиқорин ва пиёзнинг бири кичик бўлакларга бўлинади.
2. Қўзиқоринлар бир неча дақиқа давомида товада қовурилади.
3. Бир ош қошиқ ёғ ва пиёз солинади. Яна 4-5 дақиқа давомида пиширилади. Устидан туз ва зираворлар солинади. Сўнгра уларга қирғичдан ўтказилган пишлоқ солиниб, аралаштирилади.
4. Товуқ филеси ва иккинчи пиёз ўртача катталикда тўғралади. Тухум билан биргаликда блендерда майдаланади. Туз ва зираворлар, бир ош қошиқ қуритилган нон солиниб, яхшилаб аралаштирилади.
5. Массадан бир қисм олиниб, ичига қўзиқоринли начинка солинади ва думалоқ шаклга келтирилади. Қуритилган нонга ботирилади. Аралашманинг қолган қисми ҳам шу тарзда тайёрланади.
6. Қуритилган нон ўрнига ундан ҳам фойдаланиш мумкин.
7. Ўртача оловда қиздирилган ёғда котлетлар икки томони қизаргунча қовурилиб олинади.