Жанубий Кореядаги «Ханул» атом электр станциясининг реактори совитиш тизимидаги насос ишининг носозлиги туфайли автоматик тарзда ўчиб қолди. Бу ҳақда Korea Hydro & Nuclear Power Cо станция операторига таяниб, Yonhap агентлиги хабар берди.
Компаниянинг қўшимча қилишича, реактордан радиация сизиб чиқмаган. Ядровий хавфсизлик бўйича ҳукумат комиссияси ўчиб қолиш сабабини ўрганмоқда. Радиация даражаси нормал сақланиб турибди.
Сеулдан 330 километр жануби-шарқда жойлашган «Ханул» электр станциясидаги 5-реактор 13 январь куни соат тахминан 01:26 да (Тошкент вақти билан 12 январь 22:26) ишлашдан тўхтаган.
Yonhap хабарига кўра, реактордан 2021 йилнинг июлидан, яъни техник хизмат кўрсатиш якунланганидан бери фойдаланилмоқда.
Аввалроқ Япониядаги «Генкай» атом электр станцияси ҳудудида ёнғин содир бўлганди. Ёнғин бир соат ичида тўлиқ ўчирилган. Шу билан бирга, олов энергия блоклари ишига таъсир қилмаган.
Изоҳ (0)