Бугун,

  • USD 11095.31
  • RUB 173.84
  • EUR 10772.44

Мухолифатчи журналист, Nexta Telegram каналининг собиқ бош муҳаррири Роман Протасевич кетаётган Ryanair авиакомпанияга тегишли самолётнинг учувчиси ҳаво кемасини Вильнюсга эмас, балки Минскка қўндириб, қўлланмани бузган. Бу ҳақда Беларусь Транспорт вазирлигининг авиация бўйича департаменти раҳбари Артём Сикорский «Беларусь 1» телеканалига берган интервьюсида маълум қилди, деб хабар беради «РБК».

Фото: «Bilde.de»

Фото: «Bilde.de»

Ижтимоий тармоқларда тарқалган учувчи ва Минск аэропорти диспетчерининг суҳбати ёзувларига изоҳ берган Сикорскийнинг маълум қилишича, самолёт командирига «қизил» даражали фавқулодда ҳолат кодини беришган. «Учувчи учун ‘қизил’ код нимани англатади? Бу у энг яқин аэродромга қўниши кераклигини билдиради», — дейди у.

Унинг сўзларига кўра, ўша вақтда энг яқин аэродром лайнердан 70 километр узоқликда жойлашган Вильнюсдаги қўниш жойи бўлган. «Аммо самолёт қўниш ҳолатига кириш учун на пасайишни, на тезликни камайтиришни ўйлаган», — дея қўшимча қилади Сикорский.

Департамент бошлиғи Польшада рўйхатдан ўтган литвалик учувчи йўриқномани бузгани ҳақида саволни ўртага ташлаган. «У нима сабабдан Минскка учганини тушунишимиз учун кабина ичидаги суҳбатлар ёки учувчининг вилнюслик диспетчер билан музокараларини беринглар», — деган Сикорский.

У ОАВда диспетчер Беларусь махсус хизмати (КГБ) билан маслаҳатлашгани айтилаётган тахминларни бемаъни деб атаган.

Эслатиб ўтамиз, 23 май куни Беларусь ҳукумати Ryanair авиакомпаниясининг Афинадан Вильнюсга учаётган самолётини бортда бомба бор деган хабар билан шошилинч равишда Минскка қўнишга мажбур қилганди. Самолёт йўловчилари орасида Роман Протасевич ҳам бор эди. Протасевич ва унинг севгилиси — Россия фуқароси Софя Сапега аэропортда қўлга олинган.

Беларусь ҳукумати Протасевични 2020 йилда Александр Лукашенкога қарши намойишларда иштирок этгани учун тартибсизликлар уюштириш, жамоат тартибини қўпол равишда бузиш ва ижтимоий адоват қўзғатишда айбламоқда. Сапега Беларусь хавфсизлик кучларининг шахсий маълумотлари эълон қилинган «Беларусь қора китоби» Telegram каналини бошқаришда айбланган.

Ryanair самолётининг мажбуран қўндирилиши муносабати билан Европа Иттифоқи Беларусга қарши соҳага оид санкциялар жорий қилди ва Беларуснинг «Belavia» авиакомпанияси учун ҳаво ҳудудини ёпди. Ҳибсга олинганидан кейин Протасевич Беларусь давлат матбуотига бир қатор интервьюлар бериб, уларда мухолифатни қоралади.

Изоҳ
Asosiy yangiliklar
Дунё
Трампнинг собиқ маслаҳатчиси президент сайловида қатнашишга тайёрлигини билдирди
Маданият
«Кунига 1 000 доллар топганда талаш бўлган ота кексайганда ҳеч кимга керак бўлмай қолди» — Бобомурод Ҳамдамовнинг келини оиладаги келишмовчиликлар ҳақида (видео)
Спорт
Бразилия терма жамоаси кетма-кет 8 марта мундиал чорак финалига чиқди