Бразилиянинг Сан-Паулу шаҳрида икки нафар чақалоқ бўғма, қоқшол, кўкйўтал ва гепатит B’га қарши буюрилган комбинацияланган вакцинани олиш ўрнига хатолик сабаб COVID-19 га қарши Pfizer вакцинаси билан эмланди. Бу ҳақда маҳаллий Уол порталига таяниб, «РБК» хабар берди.
Вакцинациядан сўнг, икки ойлик қизча ва тўрт ойлик бола зудлик билан кучли реакция туфайли шифохонага ётқизилган. Янги туғилган чақалоқларнинг тана ҳарорати кўтарилиб кетган, қизча қайт қила бошлаган.
Вакцина яратувчилар болаларни бир ҳафтага шифохонага ётқизишни маслаҳат берган. Ҳар икки сутка давомида улардан қон таҳлили олиниши, электро ва кардиограмма қилиниши керак.
Портал маълумотларига кўра, вакциналарни адаштириб юборган ҳамшира вақтинча ишдан четлатилган, ҳолат бўйича маъмурий суриштирув бошланган.
Аввалроқ Вьетнамда тиббиёт ходимлари хатолик сабаб 2—6 ой оралиғидаги 18 нафар чақалоқни коронавирусга қарши вакцина билан эмлаганди. Болаларнинг айримларида тана ҳарорати кўтарилиши, қизариш ва инъекция жойида шиш пайдо бўлиши кузатилган. Маълумотларга кўра, болаларнинг аҳволи барқарор дея баҳоланган, улар назорат остида қолган, расмийлар тергов бошлаган.
Мавзуга доир: Бразилия Конституцион суди компанияларга COVID-19 га қарши эмланмаганларни ишдан бўшатишга рухсат берди
Изоҳ (0)