Германияда 26 сентябрь куни алоҳида аҳамиятга эга парламент сайловлари бўлиб ўтади — ундан сўнг мамлакат канцлери ўзгаради. Ушбу лавозимда 2005 йилдан буён ишлаб келаётган Ангела Меркель истеъфога чиқади.

Ҳозирда Меркель хайрлашув ташрифларини амалга оширмоқда. Август ойида у Россия ва Украинага сафар қилганди. 23 сентябрь куни эса Меркель Германия шимолидаги сайлов округига ташрифи давомида Марлоу шаҳридаги Қушлар паркига кириб ўтди.

Фото: AFP

У ерда Меркель тўтиқушларни овқатлантирди, қушлардан бири ҳеч тортинмасдан унинг бошига қўниб олди. Шу туфайли бўлса керак Меркель бойўғлига яқин боришга журъат этмади. «Йўқ йўқ. Ўзи тўтиқушларни яхшигина эпладим», — деди у бойқушни хавфсиз масофадан кузатар экан.

Фото: DPA

Ангела Меркель 7 сентябрь куни канцлер сифатида сўнгги марта Бундестаг олдида нутқ сўзлаганди. Меркелнинг нутқи 14 дақиқа давом этган. Канцлер иқлим ўзгаришига қарши кураш, «яшил» энергияни ривожлантириш, терроризм ва кибержиноятларга қарши кураш ҳақида гапирган. Ҳукумат раҳбари фурсатдан фойдаланиб, фуқароларни коронавирусга қарши эмлаш курсидан ўтишга яна бир бор чақирган.

Аввалроқ Меркель нафақага чиққанидан кейин қарийб 15 минг евро (187 миллион сўмдан ортиқ) пенсия олиши маълум қилинганди.