Angela Merkel nafaqaga chiqqandan so‘ng qancha pensiya olishi ma’lum bo‘ldi

Germaniya kansleri Angela Merkel nafaqaga chiqqanidan keyin qariyb 15 ming yevro (187 million so‘mdan ortiq) pensiya oladi. Bu haqda Germaniya soliq to‘lovchilar uyushmasining hisob-kitoblariga asoslanib, Focus xabar berdi.

Uyushma ma’lumotlariga ko‘ra, bu miqdor siyosatchining 1990-yildan beri muntazam ravishda Bundestag deputati etib saylanib kelganini hamda Germaniya sobiq kansleri Gelmut Kol hukumatida ishlayotganini hisobga olgan holda qo‘shiladi. Shuningdek, Merkel bu lavozimni qariyb 16 yildan beri egallab kelmoqda.

Germaniyada kansler parlament maoshining 65 foizi miqdorida pensiya oladi (hozirda taxminan 10 ming yevro). Shu bilan birga, Merkelga Germaniya sobiq kansleri sifatida ikki yordamchi, kotib va ​​haydovchidan iborat o‘z byurosiga ega bo‘lish huquqi beriladi.

Avvalroq Angela Merkel nafaqaga chiqqanidan keyingi rejalari bilan bo‘lishgan edi. Merkelning ta’kidlashicha, u “biroz uyquga to‘yib, tabiatda sayr qilishni”, keyin nima qilishni istayotganini hal qilishni rejalashtirgan.

2018-yilda siyosatchi, hozirgi kanslerlik muddati uning oxirgi muddati bo‘lishini aytgan. 2021-yil arafasida Angela Merkel kansler sifatida Germaniya xalqiga so‘nggi marta Yangi yil murojaatini yo‘llagandi. Merkel 2021-yilning sentabr oyidagi saylovlarda qatnashmasligi va siyosatdan nafaqaga chiqish niyatini yana bir bor tasdiqlagan.