Намангандан оқиб ўтувчи Сирдарё дарёсида чўкиб кетгани тахмин қилинаётган 26 ёшли фуқаро жасади қидирилмоқда. Бу ҳақда вилоят ФВБ матбуот хизмати хабар берди.
Қайд этилишича, 15 сентябрь куни соат 15:30 ларда 1995 йилда туғилган А.Д исмли фуқаро Поп тумани «Мирзаорол» маҳалла фуқаролар йиғини ҳудудидан оқиб ўтувчи Сирдарё дарёсига эҳтиётсизлик оқибатида тушиб, чўкиб кетгани тўғрисидаги маълумот вилоят Фавқулодда вазиятлар бошқармасига 16:00 ларда хабар келиб тушган.
Зудлик билан воқеа жойига вилоят Фавқулодда вазиятлар бошқармаси қутқарув отрядининг сувда қидирув-қутқарув гуруҳи ҳамда Поп туман фавқулодда вазиятлар бўлими ёнғин-қутқарув гуруҳи бориб, дастлабки сувости ва сувусти қидирув-қутқарув ишлари олиб борилган.
Ҳозирда ҳам қутқарув отрядининг сувда қидирув-қутқарув гуруҳи ва Поп туман фавқулодда вазиятлар бўлими ёнғин-қутқарув гуруҳидан 20 нафар ҳамда кўнгиллилар томонидан қидирув ишлари давом эттирилмоқда.
Бундан аввал Намангандаги Норин дарёсида чўкиб кетгани тахмин қилинаётган 13 ёшли боланинг жасади қидирилаётгани ҳақида хабар берилган эди. Қидирув натижалари ҳақида маълумот берилмаган.
Изоҳ (0)