Namangandan oqib o‘tuvchi Sirdaryo daryosida cho‘kib ketgani taxmin qilinayotgan 26 yoshli fuqaro jasadi qidirilmoqda. Bu haqda viloyat FVB matbuot xizmati xabar berdi.
Qayd etilishicha, 15-sentabr kuni soat 15:30 larda 1995-yilda tug‘ilgan A.D ismli fuqaro Pop tumani “Mirzaorol” mahalla fuqarolar yig‘ini hududidan oqib o‘tuvchi Sirdaryo daryosiga ehtiyotsizlik oqibatida tushib, cho‘kib ketgani to‘g‘risidagi ma’lumot viloyat Favqulodda vaziyatlar boshqarmasiga 16:00 larda xabar kelib tushgan.
Zudlik bilan voqea joyiga viloyat Favqulodda vaziyatlar boshqarmasi qutqaruv otryadining suvda qidiruv-qutqaruv guruhi hamda Pop tuman favqulodda vaziyatlar bo‘limi yong‘in-qutqaruv guruhi borib, dastlabki suvosti va suvusti qidiruv-qutqaruv ishlari olib borilgan.
Нozirda ham qutqaruv otryadining suvda qidiruv-qutqaruv guruhi va Pop tuman favqulodda vaziyatlar bo‘limi yong‘in-qutqaruv guruhidan 20 nafar hamda ko‘ngillilar tomonidan qidiruv ishlari davom ettirilmoqda.
Bundan avval Namangandagi Norin daryosida cho‘kib ketgani taxmin qilinayotgan 13 yoshli bolaning jasadi qidirilayotgani haqida xabar berilgan edi. Qidiruv natijalari haqida ma’lumot berilmagan.
Izoh (0)