Қашқадарё вилоятининг Қарши шаҳрида мустақил Ўзбекистоннинг Биринчи Президенти Ислом Каримов ҳайкали пойига гулчамбарлар қўйилиб, ҳурмат бажо келтирилди. Бу ҳақда «Дарё» мухбири хабар берди.
Тадбирда вилоят ҳокими Зоир Мирзаев бошчилигидаги сектор раҳбарлари, ташкилот ва корхона масъуллари, шунингдек, жамоатчилик вакиллари ҳам иштирок этди.
Эслатиб ўтамиз, Ўзбекистон Биринчи Президенти Ислом Каримов 1938 йил 30 январь куни Самарқанд шаҳрида таваллуд топган бўлиб, 2016 йил 2 сентябрь куни оламдан ўтганди. 2016 йилдан бери 2 сентябрь санаси Ўзбекистон Республикасининг Биринчи Президенти Ислом Абдуғаниевич Каримовни хотирлаш куни сифатида тилга олинади. Айнан 2016 йил 2 сентябрь куни Ислом Каримовнинг вафоти ҳақида Олий Мажлис ҳамда Вазирлар Маҳкамасининг қўшма ахбороти эълон қилинган эди.
Изоҳ (0)