Shavkat Mirziyoyev O‘zbekistonning Birinchi Prezidenti Islom Karimov haykali poyiga gulchambar qo‘yib, uning xotirasiga hurmat ko‘rsatdi (foto)

Prezident Shavkat Mirziyoyev 30-yanvar kuni Toshkent shahridagi Islom Karimov haykali poyiga gulchambar qo‘yib, Birinchi Prezident xotirasiga hurmat ko‘rsatdi, deya xabar qilmoqda Prezident matbuot xizmati.

30 yanvar – O‘zbekistonning Birinchi Prezidenti Islom Karimov tavallud topgan kun. Har yili bu sanani nishonlash, marhumni xotirlash ezgu an’anaga aylangan.

Qur’on oyatlari tilovat qilindi. Islom Karimovning ezgu ishlari, oliyjanob insoniy fazilatlari yodga olindi.

Marosimda Prezident Administratsiyasi, parlament palatalari va hukumat a’zolari, ilm-fan va madaniyat namoyandalari, ziyolilar, poytaxt jamoatchiligi ishtirok etdi.

Birinchi Prezidentimizning Samarqand va Qarshi shaharlaridagi haykallari poyiga ham gullar qo‘yildi.