Бақлажонли туркча таом — ислим кабоб рецепти

Помидор соуси ва қовурилган бақлажон ичида пишган қиймали мазкур туркча таом дастурхонингизни безайди.

Керакли маҳсулотлар:

• пиёз — 1 дона;
• петрушка — ½ боғ;
• саримсоқ — 5 бўлак;
• қийма — 600 г;
• нон толқони — 3-4 ош қошиқ;
• тухум — 1 дона;
• мурч — 1 ош қошиқ;
• зира — 1 ош қошиқ;
• бақлажон — 5 та;
• ўсимлик мойи — 70-100 мл
• томат пастаси — 1,5 ош қошиқ;
• сув — 500 мл
• помидор шарбати — 220 г;
• черри помидорлари — 25-30 дона;
• туз.

1. Пиёзни майда «кубик» шаклида, петрушка ва саримсоқни ҳам майдалаб тўғранг.
2. Қиймага тўғралган пиёз, петрушка, нон толқони, тухум, туз, зираворлар ва саримсоқнинг ярмини солиб аралаштиринг.
3. Аралашмадан катта бўлмаган шарчалар ясаб, музлаткичга 30-40 дақиқага қўйинг.
4. Бақлажонни юпқа узун бўлакларга бўлиб, тилларанг бўлгунча қовуриб олинг.
5. Ёғини шимдириб олиши учун улрни қоғоз салфеткаларга қўйинг.
6. Товага 2-3 қошиқ ёғ солиб, қиймали шарчларни икки томонини қизартириб қовуринг.
7. Шарчаларни ликопга олиб, унинг ёғига томат пастасини солинг.
8. Пастани 1 дақиқа қовуриб, устига 250 мл қайноқ сув ва саримсоқнинг ярмини солиб, 2-3 дақиқага димланг.
9.  Товадаги маҳсулотга помидор шарбатини ҳам қўшиб, 5-6 дақиқага пиширинг.
10. Газ печини 220 даражага қиздириб, патнисга бақлажонларни перпендикуляр қилиб териб чиқинг.
11. Бақлажон ўртасига шарчаларни қўйиб, атрожини бақлажон бўлаклари билан ёпинг.
12. Ўралган бақлажонлар устига черри помидорини тиш тозалагич ёрдамида тиқиб чиқинг.
13. Сўнгра бақлажонлар атрофига помидор шарбати ва 250 мл қайноқ сув қуйинг.
14. Таомни 30-35 дақиқа давомида димлаб пиширинг.