Қўй гўшти ва бақлажондан хуштаъм рагу тайёрлаймиз

Сабзавот ва зираворлар уйғунлигидаги мазкур таом рецепти бекажонлар учун айни муддао.

Керакли маҳсулотлар:

• бақлажон – 1 дона;
• зайтун мойи – 6 ош қошиқ;
• қўй гўшти – 450 грамм;
• пиёз – 1 дона;
• саримсоқ – 3-4 бўлак;
• томат пастаси – 3 ош қошиқ;
• помидор шарбати – 400 грамм;
• бульон – 500 мл;
• дафна япроғи – 1 дона;
• туз ва зираворлар.

1. Печ 200 даражада қиздириб олинади. Бақлажон катта бўлакларга бўлиниб, 2 ош қошиқ мой сепилади.
2. Пишириқ қолипида 20 дақиқа давомида пишириб олинади.
3. Қўй гўшти, пиёз ва саримсоқ майда тўғралади.
4. Товага 2 ош қошиқ ёғ қуйиб, қўй гўшти 5-6 дақиқа қизаргунча қовурилади.
5. Гўшт алоҳида идишга олиниб, товада пиёз ва саримсоқ қовурилади.
6. Сўнгра гўшт, бақлажон, пиёз, саримсоқ, томат пастаси ва помидор шарбати, бульон, туз ва зираворлар яхшилаб аралаштирилади.
7. Гўшт юмшоқ бўлиб пишиши учун паст оловда 2-3 соат давомида қайнатилади.