Наманган вилояти Чуст туманида Cobalt йўлдан ўтаётган маст пиёдани уриб кетди, дея хабар бермоқда вилояти ИИБ матбуот хизмати.
Қайд этилишича, 2021 йил 2 август куни соат 22:20 ларда, Чуст тумани «Зарафшон» МФЙ ҳудудида, Тошкент вилоятида яшовчи, 1985 йилда туғилган фуқаро Cobalt русумли автомашинасини бошқариб бораётиб, ҳаракат хавфсизлигини таъминлай олмай, спиртли ичимликдан маст ҳолатда йўлни кесиб ўтаётган пиёда, Поп туманида яшаган, 1975 йилда туғилган фуқарони уриб юборган.
Пиёда олган тан жароҳати оқибатида шифохонада вафот этган.
Ушбу ҳолат бўйича Чуст туман ИИБ ҳузуридаги Тергов бўлими томонидан 2021 йил 12 август куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш қоидаларини бузиш) билан жиноят иши қўзғатилган.
Бундан аввал Тошкентда Nexia билан тўқнашган Matiz ағдарилиб кетгани, Тошкентдаги «Бек тўпи» савдо маркази рўпарасида автокран ҳамда Volvo юк машинаси тўқнашиб кетгани ҳамда Тошкентда йўловчилар бўлган «Газель» ЙТҲга учраб ағдарилгани ҳақида хабар берилганди.
Изоҳ (0)