Марказий сайлов комиссияси матбуот марказида Ўзбекистон Президенти сайловларига бағишланган пресс-брифинг бўлиб ўтди.
Унда Марказий сайлов комиссияси раиси Зайниддин Низомхўжаев томонидан Ўзбекистон Экология партияси, Ўзбекистон Халқ демократик партияси, Тадбиркорлар ва ишбилармонлар ҳаракати – Ўзбекистон Либерал-демократик партияси, Ўзбекистон «Миллий тикланиш» демократик партияси, Ўзбекистон «Адолат» социал-демократик партиясига Ўзбекистон Президенти сайловида иштирок этиш учун гувоҳнома топширилди.
Маълумот учун, Президент сайлови 24 октябрь куни ўтказилади. Сайловга жами 300 миллиард сўм, ҳар бир номзодга эса 3 миллиард сўмдан ажратилади.
Бундан аввал чет элдаги Ўзбекистон фуқаролари учун 49 та давлатда стационар ва кўчма сайлов участкалари ташкил этилиши, Ўзбекистон Президенти сайловларини ўтказиш учун сайлов округлари ташкил этилгани ҳамда Мақсуда Ворисова Президентлик сайловида ғалаба қозонса, ислоҳотларни нимадан бошлашини маълум қилгани ҳақида хабар берилганди.
Изоҳ (0)