АОКАда бўлиб ўтган брифингда Фавқулодда вазиятлар вазирлиги ахборот хизмати раҳбари ўринбосари Самандар Ҳикматуллаев сувда чўкиш билан боғлиқ ҳодисалар юзасидан маълумот берди.
Қайд этилишича, профилактик тадбирларга қарамасдан жорий йил 14 август қадар республика бўйича жами 151 нафар фуқаро чўкиш оқибатида вафот этган.
Улардан 36 нафари чўмилиш оқибатида чўккан бўлса, 44 нафари эҳтиётсизлик ва 6 нафари ўз жонига қасд қилиш оқибатида, 2 нафари жиноят сабабли ва 63 нафари номаълум сабабларга кўра сувда чўкиб вафот этган.
Ушбу чўкишларнинг 64 нафари, яъни 42,4 фоизи вояга етмаганларга тўғри келмоқда.
Республика бўйича жами 2 603 та, шундан чўмилиш тақиқланган 2 219 та акваториялар текшириб чиқилди, сув ҳавзаларида 5 169 та рейд ўтказилиб, 92 нафар фуқарога маъмурий чоралар кўрилган.
Бундан аввал Намангандаги Норин дарёсида чўкиб кетгани тахмин қилинаётган 13 ёшли боланинг жасади қидирилётгани, Намангандаги Норин дарёсида чўкаётган уч кишининг икки нафари қутқарилди, яна бирининг жасади олиб чиқилгани ҳамда Фарғонада эри билан жанжаллашиб, ўзини Катта Фарғона каналига ташлаган 22 ёшли аёлнинг жасади уч кундан сўнг топилгани ҳақида хабар берилганди.
Изоҳ (0)