Toshkent shahri Yunusobod tumanida Nexia va “Gazel” ishtirokida yo‘l-transport hodisasi sodir bo‘ldi, deya xabar bermoqda YHXBB matbuot xizmati.
Dastlabki ma’lumotlarga ko‘ra, 2021-yil 12-avgust kuni soat 19:00 larda Toshkent shahar, Yunusobod tumani, Yunus ota ko‘chasidagi 43-uy ro‘parasida haydovchi, 1967-yilda tug‘ilgan F.K. boshqaruvidagi “Gazel” rusumli hamda haydovchi, 1995-yilda tug‘ilgan J.R. boshqaruvidagi Nexia rusumli avtomobillar ishtirokida to‘qnashuv sodir bo‘lgan.
Oqibatda ichida yo‘lovchilari bo‘lgan “Gazel” ag‘darilgan.
To‘qnashuv sababli 5 nafar yo‘lovchiga birinchi tez tibbiy yordam ko‘rsatilgan.
Mazkur YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.
Eslatib o‘tamiz, 10-avgust kuni ham ichida yo‘lovchilari bo‘lgan “Gazel” Lacetti bilan to‘qnashib, ag‘darilib ketgandi.
Bundan avval Toshkentda Cobalt Spark bilan to‘qnashib ag‘darilgani hamda Toshkentda Lada Samara ag‘darilib, yonib ketgani haqida xabar berilgandi.
