Namangan viloyati Chust tumanida Cobalt yo‘ldan o‘tayotgan mast piyodani urib ketdi, deya xabar bermoqda viloyati IIB matbuot xizmati.
Qayd etilishicha, 2021-yil 2-avgust kuni soat 22:20 larda, Chust tumani “Zarafshon” MFY hududida, Toshkent viloyatida yashovchi, 1985-yilda tug‘ilgan fuqaro Cobalt rusumli avtomashinasini boshqarib borayotib, harakat xavfsizligini ta’minlay olmay, spirtli ichimlikdan mast holatda yo‘lni kesib o‘tayotgan piyoda, Pop tumanida yashagan, 1975-yilda tug‘ilgan fuqaroni urib yuborgan.
Piyoda olgan tan jarohati oqibatida shifoxonada vafot etgan.
Ushbu holat bo‘yicha Chust tuman IIB huzuridagi Tergov bo‘limi tomonidan 2021-yil 12-avgust kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish qoidalarini buzish) bilan jinoyat ishi qo‘zg‘atilgan.
Bundan avval Toshkentda Nexia bilan to‘qnashgan Matiz ag‘darilib ketgani, Toshkentdagi “Bek to‘pi” savdo markazi ro‘parasida avtokran hamda Volvo yuk mashinasi to‘qnashib ketgani hamda Toshkentda yo‘lovchilar bo‘lgan “Gazel” YTHga uchrab ag‘darilgani haqida xabar berilgandi.
Izoh (0)