9 июль куни АОКАда коррупция масалаларига бағишланган матбуот анжумани ташкил этилди. Унда Адлия вазирлиги, Коррупцияга қарши курашиш агентлиги, Бош прокуратура ва Олий суд мутасаддилари икки муҳим ҳужжат, шунингдек, коррупция масалаларига оид саволларга жавоб бериб ўтди.
Матбуот анжумани Ўзбекистон Президенти томонидан имзоланган икки ҳужжат: «Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш чора-тадбирлари тўғрисида»ги Президент фармони ҳамда «Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида»ги Президент қарори мазмун-моҳияти ҳамда аҳамиятига бағишланди.
Унда иштирок этган бош прокурорнинг биринчи ўринбосари Баҳриддин Валиев коррупциявий жиноятлар учун белгиланган жазо чоралари борасида тўхталди. Шунингдек, фармон ва қарор ишлаб чиқилгунча Бош прокуратура томонидан хорижий тажрибалар ўрганилиб, ижтимоий сўровномалар ўтказилганини билдирди.
Хусусан, 2021 йилнинг апрель ойида «Ижтимоий фикр» маркази томонидан коррупцияга қарши курашиш тўғрисида ўтказилган ижтимоий сўровномада иштирок этганларнинг 62 фоизи коррупцияга қарши курашишда жиноий жавобгарлик чораларини қатъийлаштириш энг самарали чоралардан бири сифатида баҳолагани, бу ҳам фармонда ўз аксини топаётгани қайд этди.
«Бу борада хориж тажрибасига назар ташласак, коррупциявий жиноятлар учун умрбод озодликдан маҳрум қилиш жазосигача кескин жазо чоралари АҚШ, Франция, Жанубий Корея, Бирлашган Араб Амирлиги ва Саудия Арабистонида қўлланилади. Шунингдек, Қозоғистон, Россияда пора олганлик учун максимал жазо миқдори муайян лавозимни эгаллаш ҳуқуқини умрбод чеклаган ҳолда 15 йилгача озодликдан маҳрум қилиш билан жазоланади», — деди Валиев.
Ўзбекистонда пора олиш, пора бериш ва пора олиш-беришда воситачилик қилганлик учун максимал жазо миқдори 10 йилдан 15 йилгача озодликдан маҳрум қилиш белгиланган.
Ўзбекистонда ўзлаштириш ёки растрата йўли билан талон-торож қилганлик учун максимал жазо 10 йилгача озодликдан маҳрум қилиш этиб белгиланган.
- коррупцияга оид жиноятлар учун белгиланган жазо чораларини узоқ муддатли озодликдан маҳрум қилиш жазо чорасигача кескин кучайтириш;
- даромадлар ва мол-мулкни декларациялаш жараёнида аниқланган ноқонуний бойлик орттирганлик учун жавобгарлик ўрнатиш;
- коррупцияга оид жиноятларни содир этган шахсларга нисбатан жиноий жазони ўташда енгиллаштирувчи нормалар қўлланилишига чекловлар белгилаш.
Барчангизнинг хабарингиз бор, Ўзбекистон Республикаси Президентининг 2018 йилнинг 14 майдаги «Жиноят ва жиноят процессуал қонунчилиги тизимини тубдан такомиллаштириш чора-тадбирлари тўғрисида»ги ПҚ-3723-сонли қарори ижросини таъминлаш мақсадида Жиноят кодексининг янги таҳрирдаги лойиҳаси ишлаб чиқилиб, кенг жамоатчилик муҳокамасидан ҳам ўтказилди. Мазкур янги таҳрирдаги Жиноят кодекси лойиҳасида ҳам коррупция билан боғлиқ жиноят содир этганлик учун жавобгарлик чоралари кучайтирилмоқда. Пора предмети сифатида нафақат моддий манфаатдорлик, шунингдек, номоддий манфаатдорлик ҳам киритилмоқда.Фармонда белгиланган вазифалардан келиб чиқиб, Бош прокуратурада махсус ишчи гуруҳи ташкил қилингани, хорижий тажриба, кенг жамоатчилик фикри ва хорижий экспертларнинг тавсиялари инобатга олинган ҳолда белгиланган муддатларда қонун лойиҳалари ишлаб чиқилиши таъминланиши таъкидланди. Валиев мазкур жараёнда ҳар бир мутасадди идора вакилларининг фаол иштирок этиб, ўз фикр-мулоҳазаларини билдиришларини сўради.Халқаро экспертлар тавсияларига кўра, 3 турдаги ҳаракатлар учун тўғридан-тўғри жиноий жавобгарлик белгиланмоқда:
Баҳриддин Валиев, бош прокурорнинг биринчи ўринбосари
- нодавлат ташкилотининг хизматчисини пора эвазига оғдириб олиш;
- давлат органининг, давлат иштирокидаги ташкилот ёки фуқароларнинг ўзини ўзи бошқариш органининг хизматчисини пора эвазига оғдириб олиш;
- давлат органи, давлат иштирокидаги ташкилот ёки фуқароларнинг ўзини ўзи бошқариш органи хизматчисининг қонунга хилоф равишда моддий қимматликлар олиши ёки мулкий манфаатдор бўлиши.
Изоҳ (0)