Сўнгги 4,5 йилда 9 546 нафар шахс турли кўринишдаги жиноятларни содир қилган. Айни жиноятлар оқибатида давлатга, фуқаролар манфаатига етказилган зарар миқдори 3 триллион 200 миллиард сўмга яқин бўлган. Бу ҳақда Ўзбекистон бош прокурорининг биринчи ўринбосари Баҳриддин Валиев АОКАда ташкил этилган матбуот анжуманида маълум қилди.
Матбуот анжумани Ўзбекистон Президенти томонидан имзоланган икки ҳужжат: «Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш чора-тадбирлари тўғрисида»ги Президент фармони ҳамда «Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида»ги Президент қарори мазмун-моҳияти ҳамда аҳамиятига бағишланди.
Ўтган 4,5 йил янги Ўзбекистон даврини олсак, шу йилларда 9546 нафар шахс турли кўринишдаги жиноятларни содир қилган. Бу жиноятлар оқибатида давлатга, фуқаролар манфаатига етказилган зарар миқдори 3 триллион 200 миллиард сўмга яқин бўлган. Бунинг қарийб 90 фоизи ҳуқуқни муҳофаза қилувчи идоралар томонидан тергов ва суд давомида ундириб олинди. Лекин бунинг орқасидан жамиятимиз ва фуқароларимизнинг азият чекиши, уларнинг сарсон бўлиши, бошқа-бошқа фирибгарлик орқасидаги ва жиноятнинг бошқа турлари сабабли уларга етказилган зарар миқдорлари тўғрисида гап кетмаяпти. Шуларни ҳам ҳисобга олсак, жуда катта зарарларга, катта оқибатларга олиб келяпти.Валиев 2021 йилнинг апрель ойида «Ижтимоий фикр» маркази томонидан коррупцияга қарши курашиш тўғрисида ўтказилган ижтимоий соҳадаги сўровномада иштирокчиларнинг 62 фоизи коррупцияга қарши курашишда жиноий жавобгарликни оғирлаштириш энг яхши самара, деб фикр билдирилган. Бу ҳам фармонда ўз аксини топаётгани билдирилди.Шу қилмишга жазо тўғри эдими, деган савол туғилди мана шу фармонда. Бизнинг олдимизга шундай топшириқ, вазифа қўйилди: чет эл амалиёти, малакасини ўрганиш, ижтимоий сўровлар ўтказиш билан биргаликда, фуқароларимиз билан ҳаммамиз биргаликда жазо чорасини кучайтириш тўғрисида келишиб қонун қабул қилинади.
Баҳриддин Валиев, бош прокурорнинг биринчи ўринбосари
Эслатиб ўтамиз, 2020 йилнинг 7 ноябрида Бош прокуратурада ташкил этилган коррупция масалаларига оид идоралараро йиғилишда бош прокурор Ниғматилла Йўлдошев Ўзбекистонда ўтган икки йилда 1 минг 986 нафар мансабдор шахс коррупциявий жиноятларни содир этганлиги учун жиноий жавобгарликка тортилганини айтган эди. Шунингдек, ана шу икки йилда молия органларининг 41 нафар ходими коррупция ҳолатлари учун жиноий жавобгарликка тортилгани тўғрисида маълум қилинган.
Мавзуга доир:
- Ниғматилла Йўлдошев Арнасой, Юнусобод, Бувайда ҳокимлари ўринбосарлари ер ажратиб бериш эвазига пора олганини маълум қилди
- Ўзбекистонда аҳолига тарқатиш учун ажратилган 1,7 млрд сўм имтиёзли кредит маблағлари мансабдорлар томонидан талон-торож қилингани маълум қилинди
- 2020 йилнинг тўққиз ойида тиббиёт ходимларининг қанчаси жиноий жавобгарликка тортилгани маълум бўлди
Изоҳ (0)