Олий Мажлис Сенати Кенгаши қарори билан Муҳсинхўжа Абдураҳмонов Ўзбекистоннинг Япониядаги элчиси лавозимига тайинланди, деб хабар бермоқда ТИВ расмий вакили.
Муҳсинхўжа Абдураҳмонов 1974 йил Фарғона вилоятида туғилган. Чико шаҳридаги Калифорния давлат университети (АҚШ) ва Отару коммерсия университети (Япония)ни битирган.
2004—2006 йилларда «Coca Cola Ичимлиги Ўзбекистон» компаниясида менежер лавозимида ишлаган. 2008—2018 йилларда Япониянинг MTRUSTCo. Ltd компаниясида бош директор бўлган. 2018—2021 йилларда Фарғона вилояти ҳокими ўринбосари — инвестиция ва ташқи савдо бошқармаси бошлиғи лавозимида фаолият юритган.
2021 йилдан элчи лавозимига тайинлангунга қадар Ўзбекистон Ташқи ишлар вазирлигида бошқарма бошлиғи бўлиб ишлаб келаётганди.
Аввалроқ Тожикистоннинг Ўзбекистондаги янги элчиси тайинлангани, Ўзбекистоннинг Уммондаги элчиси ташқи ишлар вазири маслаҳатчиси этиб тайинлангани, Германия элчиси Ўзбекистондаги фаолиятини якунлаётгани ҳақида хабар берилганди.