Ҳамширалардан бири коронавирусга қарши эмлаш пайтида фуқарога вакцина ўрнига сув юборгани айтилган ҳолат Ўзбекистонда бўлмаган. Бу ҳақда Соғлиқни сақлаш вазирлиги маълум қилди.
Аслида ҳодиса Россияда бўлган. Россиянинг Калуга вилояти Жуковский марказий туман касалхонасида ҳамшира фуқарога коронавирусга қарши вакцинанинг иккинчи дозаси ўрнига сув юборган.
Ҳамшира худди шу касалхонада ишловчи шифокорнинг қариндоши бўлган фуқарога коронавирусга қарши вакцинанинг иккинчи дозаси тугаганини айтишдан қўрққан.
Ҳодиса жамоатчиликка ошкор бўлгач, вилоятдаги барча эмлаш пунктлари текширувдан ўтказилиши, бундай қўпол хатога йўл қўйган тиббиёт ходими эса ишдан бўшатилиши маълум қилинган.
Ўзбекистон Соғлиқни сақлаш вазирлиги фуқаролардан тасдиқланмаган маълумотларни тарқатмасликни сўраган.
Мавзуга доир:
- «Қуруқ сафсатадан бошқа нарса эмас». Нурмат Отабеков вакциналарнинг зарарли экани тўғрисидаги миш-мишлар ҳақида
- Вакцинага ишонмаётганлар, эмлангач коронавирусга чалинганлар, бошқа вакцинани кутаётганлар. Ўзбекистонликлар нима учун эмланишни хоҳламаяпти?
- «Ваҳимали маълумотлар одамларни қўрқитяпти». Тошкент бозорларида вакцинация пунктлари очилди, аммо бу эмлаш суръатига сезиларли таъсир кўрсатмаяпти
Изоҳ (0)