Bugun,

  • USD 11095.31
  • RUB 173.84
  • EUR 10772.44

So‘nggi 4,5 yilda 9 546 nafar shaxs turli ko‘rinishdagi jinoyatlarni sodir qilgan. Ayni jinoyatlar oqibatida davlatga, fuqarolar manfaatiga yetkazilgan zarar miqdori 3 trillion 200 milliard so‘mga yaqin bo‘lgan. Bu haqda O‘zbekiston bosh prokurorining birinchi o‘rinbosari Bahriddin Valiyev AOKAda tashkil etilgan matbuot anjumanida ma’lum qildi.

Bosh prokuror o‘rinbosari Bahriddin Valiyev.

Bosh prokuror o‘rinbosari Bahriddin Valiyev.
Foto: “Daryo”/ Madina Nurman

Matbuot anjumani O‘zbekiston Prezidenti tomonidan imzolangan ikki hujjat: “Korrupsiyaga qarshi murosasiz munosabatda bo‘lish muhitini yaratish, davlat va jamiyat boshqaruvida korrupsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari to‘g‘risida”gi Prezident farmoni hamda “Korrupsiyaga qarshi kurashish faoliyatini samarali tashkil etishga doir qo‘shimcha chora-tadbirlar to‘g‘risida”gi Prezident qarori mazmun-mohiyati hamda ahamiyatiga bag‘ishlandi.

O‘tgan 4,5 yil yangi O‘zbekiston davrini olsak, shu yillarda 9546 nafar shaxs turli ko‘rinishdagi jinoyatlarni sodir qilgan. Bu jinoyatlar oqibatida davlatga, fuqarolar manfaatiga yetkazilgan zarar miqdori 3 trillion 200 milliard so‘mga yaqin bo‘lgan. Buning qariyb 90 foizi huquqni muhofaza qiluvchi idoralar tomonidan tergov va sud davomida undirib olindi. Lekin buning orqasidan jamiyatimiz va fuqarolarimizning aziyat chekishi, ularning sarson bo‘lishi, boshqa-boshqa firibgarlik orqasidagi va jinoyatning boshqa turlari sababli ularga yetkazilgan zarar miqdorlari to‘g‘risida gap ketmayapti. Shularni ham hisobga olsak, juda katta zararlarga, katta oqibatlarga olib kelyapti.

Shu qilmishga jazo to‘g‘ri edimi, degan savol tug‘ildi mana shu farmonda. Bizning oldimizga shunday topshiriq, vazifa qo‘yildi: chet el amaliyoti, malakasini o‘rganish, ijtimoiy so‘rovlar o‘tkazish bilan birgalikda, fuqarolarimiz bilan hammamiz birgalikda jazo chorasini kuchaytirish to‘g‘risida kelishib qonun qabul qilinadi.

Bahriddin Valiyev, bosh prokurorning birinchi o‘rinbosari 

Valiyev 2021-yilning aprel oyida “Ijtimoiy fikr” markazi tomonidan korrupsiyaga qarshi kurashish to‘g‘risida o‘tkazilgan ijtimoiy sohadagi so‘rovnomada ishtirokchilarning 62 foizi korrupsiyaga qarshi kurashishda jinoiy javobgarlikni og‘irlashtirish eng yaxshi samara, deb fikr bildirilgan. Bu ham farmonda o‘z aksini topayotgani bildirildi.

Eslatib o‘tamiz, 2020-yilning 7-noyabrida Bosh prokuraturada tashkil etilgan korrupsiya masalalariga oid idoralararo yig‘ilishda bosh prokuror Nig‘matilla Yo‘ldoshev O‘zbekistonda o‘tgan ikki yilda 1 ming 986 nafar mansabdor shaxs korrupsiyaviy jinoyatlarni sodir etganligi uchun jinoiy javobgarlikka tortilganini aytgan edi. Shuningdek, ana shu ikki yilda moliya organlarining 41 nafar xodimi korrupsiya holatlari uchun jinoiy javobgarlikka tortilgani to‘g‘risida ma’lum qilingan.

Izoh
Asosiy yangiliklar
Mahalliy
Elektr va gazdan shikoyat qilgan fuqarolarni qamoq bilan “ogohlantirgan” deputat o‘z xohishiga ko‘ra ariza yozdi
Mahalliy
O‘zbekistonda ko‘chmas mulk, avtomototransportni boshqa shaxsga o‘tkazishda davlat boji miqdorlari kamaytirildi
Mahalliy
Qarshida Cobalt haydovchisi 13 yoshli qizni urib yuborib, voqea joyidan qochib ketdi (video)