McLaren F1 GTR пойга суперкарига 1995 йилги мавсумдаги чиқишида ўрнатилган орқа бампер сотувга қўйилди. Машина деталлари савдоси билан ноёб пойга суперкарлари учун мўлжалланган эҳтиёт қисмларни қидириш ва сотишга ихтисослашган Британиянинг Infinitous компанияси шуғулланмоқда, деб хабар беради Motor. Камёб моделнинг орқа бампери 20 минг фунт стерлингга баҳоланган, бу пулга Россияда янги Toyota Camry харид қилиш мумкин.
Бампер McLaren пойгаларда иштирок этган Harrods оригинал ливреяси каби сариқ рангга бўялган. Сотувчининг сўзларига кўра, деталь пойга эҳтиёт қисмлари учун анча яхши ҳолатда сақланган. Фойдаланиш излари мавжуд, бироқ тирналишлар билан чекланган холос.
Sotheby’s аукциони орқали мазкур суперкарнинг яна бир детали сотувга қўйилган — бир нечта пойгаларда иштирок этган ғилдираклар жамланмаси. Кенг қора дискалар суперкарга 1995 ва 1996 йилги мавсумларга ўрнатилган. Хусусан, McLaren айнан шунда «Ле-Ман» пойгаларида иштирок этган.
Дискалар ҳолати у қадар яхши эмас, суратларда бампердаги каби тирналишларни кўриш мумкин. 19 дюймли тўртта диска жамланмасини 3600 долларга харид қилиш мумкин.
Таъкидлаш керакки, сотувга қўйилган эҳтиёт қисмлар турли мамлакатларда жойлашган: бампер Буюк Британияда, ғилдирак дискалари жамланмаси эса — Германияда. Эълонларнинг бирортасида суперкар эҳтиёт қисмларга ажратилгани ва қандай қилиб улар турли мамлакатда пайдо бўлганига изоҳ берилмаган.
Аввалроқ идеал ҳолатдаги «Волга» янги BMW Х2’дан ҳам қимматроқ нархга сотилаётгани, Россияда 27 йил гаражда сақланган «Жигули» янги Spark нархида сотувга қўйилгани тўғрисида хабар берилганди.
Изоҳ (0)