Вашингтон штатида истиқомат қилувчи Верд Иден исмли нафақахўр 87 ёшида ваниҳоят ўз орзусини амалга ошириб, янги Chevrolet Corvette спорткарини сотиб олди, деб хабар беради Motor. Эркакнинг айтишича, у бундай машина харид қилишни анчадан буён орзу қилиб юрган, бироқ моделнинг олдинги авлоди олд моторли экани унга ёқмаган, чунки олд қисмни Corvette учун жуда оғир деб ҳисоблаган. Ўрта моторли версия чиқиши билан у дилернинг олдига йўл олиб, ўзига автомобиль буюртма қилган.
Верн Иден бутун умрини машина бошқариб ўтказган. TheSpokesman-Review журналига берган интервьюсида у умрининг сўнгги 44 йили давомида юк машинаси бошқарганини, шундан 40 йилида URM маҳсулотлар дистрибюторида етказиб берувчи бўлиб ишлаганини маълум қилган. Бўш вақтида у оилавий фермаси билан шуғулланган, таътилда эса рафиқаси Линда билан дунё бўйлаб саёҳатларга отланган. Иденнинг таъкидлашича, унинг энг севимли мамлакати — Камбоджа, чунки у ерда бир кунга беш доллар тўлаб мотоцикл ижарага олиш мумкин.
Иден доим Corvette харид қилиш орзуси билан яшаган. Бироқ унга олдинги моделларнинг яратилиши ёқмаган: экракнинг фикрича, олд моторли компоновка спорткар учун жуда омадсиз бўлган ва олд қисмни жуда оғирлаштириб юборган. Ўрта моторли янги версияси чиққач, барчаси ўзгарган.
Нафақахўр аввалига юк машинаси билан бир хил бўлиши учун автомобилнинг кўк ранглисини танлашни режалаштирган, бироқ охир-оқибат қизил ранг спорткарга мос эканлигини қарор қилган. Иден ўз автомобилини пандемия сабаб юзага келгани узилишлар боис 1,5 йил кутган. Ҳозирги кунда у рафиқаси билан 500 от кучини тақдим этишга қодир 6,2 литрли В8 ўрнатилган машинасида ҳаракатланмоқда.
Аввалроқ Флоридада 90 ёшли нафақахўр туғилган кунида янги Chevrolet Corvette сотиб олгани тўғрисида хабар берилганди.
Изоҳ (0)