YouTube’даги Woodworking Art канали муаллифи ёғоч бўлагидан янги Mercedes-AMG G 63 моделининг аниқ нусхасини яратди. Митти машина учун хом ашё сифатида француз сарви танлаб олинган. Машаққатли меҳнат тўққиз дақиқали роликка сиғдирилган бўлиб, ҳосил бўлган модель ҳайратланарли даражада оригиналига ўхшаш чиққан, деб хабар беради Motor.
Дурадгор устда эшикларнинг кинематик очилишини ўхшатишга уринган, йўлтанламаснинг «айлана бўйлаб» мустақил пружинали «подвеска»сини сақлаб қолган, ғилдирак дискалари ва ҳаво панжараларининг ўхшашлигини таъминлаган. Камчиликлар ҳам йўқ эмас: масалан, маълумотлар табличкасидаги шрифтлар ўзгача экани кўзга ташланади.
Ёғоч Mercedes-AMG G 63 интернет-дўкон орқали сотувга қўйилган ва у бир зумда сотилиб кетган. Ўйинчоқ модель нархи эълон қилинмаган, бироқ ҳар бир нусха бир неча ҳафта давомида тайёрланиши ҳисобга олинса, у арзон бўлмаслиги аниқ.
WoodWorking Art муаллифи ўзининг блогига 10 миллион обуначи йиғишни режалаштирилган, бироқ бунга ҳали анча бор — ҳозирда канал аъзолари сони 2,4 миллион кишини ташкил этади.
Аввалроқ вьетнамлик уста 1:13 масштабда ёғочдан яратилган ўзининг сўнгги иши — Ford Ranger Raptor моделини сотувга қўйгани тўғрисида хабар берилганди. У пикапни яратишга 35 кун сарфлаган ва уни 2 минг долларга сотишга тайёрлигини билдирган.
Мавзуга доир:
Изоҳ (0)