McLaren F1 GTR poyga superkariga 1995-yilgi mavsumdagi chiqishida o‘rnatilgan orqa bamper sotuvga qo‘yildi. Mashina detallari savdosi bilan noyob poyga superkarlari uchun mo‘ljallangan ehtiyot qismlarni qidirish va sotishga ixtisoslashgan Britaniyaning Infinitous kompaniyasi shug‘ullanmoqda, deb xabar beradi Motor. Kamyob modelning orqa bamperi 20 ming funt sterlingga baholangan, bu pulga Rossiyada yangi Toyota Camry xarid qilish mumkin.
Bamper McLaren poygalarda ishtirok etgan Harrods original livreyasi kabi sariq rangga bo‘yalgan. Sotuvchining so‘zlariga ko‘ra, detal poyga ehtiyot qismlari uchun ancha yaxshi holatda saqlangan. Foydalanish izlari mavjud, biroq tirnalishlar bilan cheklangan xolos.
Sotheby’s auksioni orqali mazkur superkarning yana bir detali sotuvga qo‘yilgan — bir nechta poygalarda ishtirok etgan g‘ildiraklar jamlanmasi. Keng qora diskalar superkarga 1995 va 1996-yilgi mavsumlarga o‘rnatilgan. Xususan, McLaren aynan shunda “Le-Man” poygalarida ishtirok etgan.
Diskalar holati u qadar yaxshi emas, suratlarda bamperdagi kabi tirnalishlarni ko‘rish mumkin. 19 dyuymli to‘rtta diska jamlanmasini 3600 dollarga xarid qilish mumkin.
Ta’kidlash kerakki, sotuvga qo‘yilgan ehtiyot qismlar turli mamlakatlarda joylashgan: bamper Buyuk Britaniyada, g‘ildirak diskalari jamlanmasi esa — Germaniyada. E’lonlarning birortasida superkar ehtiyot qismlarga ajratilgani va qanday qilib ular turli mamlakatda paydo bo‘lganiga izoh berilmagan.
Avvalroq ideal holatdagi “Volga” yangi BMW X2’dan ham qimmatroq narxga sotilayotgani, Rossiyada 27 yil garajda saqlangan “Jiguli” yangi Spark narxida sotuvga qo‘yilgani to‘g‘risida xabar berilgandi.
Izoh (0)