Қорақалпоғистоннинг Нукус шаҳрида ўзини Дўстлик каналига ташлаган қиз қутқарилди, деб хабар бермоқда Миллий гвардия матбуот хизмати.
Маълум қилинишича, 10 июнь куни соат 22:10 ларда жамоат тартибини сақлашга жалб қилинган патруль йўналишида хизмат олиб бораётган Миллий гвардия ҳарбий хизматчиларига Нукус шаҳри ҳудуди бўйлаб ўтган Дўстлик каналига бир қиз ўзини ташлагани ҳақида хабар келиб тушган. Улар воқеа жойига етиб бориб, ўзини каналга ташлаган қизни сувдан қутқарган.
Қизга ўз вақтида биринчи тиббий ёрдам кўрсатилиб, шаҳар тиббиёт бирлашмасига етказилган. Дастлабки суриштирувлар мобайнида у Қоракўз туманида яшовчи 2002 йилда туғилган У.Т. эканлиги аниқланган.
Хабарда айтилишича, айни пайтда ҳолат юзасидан Нукус шаҳар ИИБ томонидан суриштирув ишлари олиб борилмоқда.
Эслатиб ўтамиз, аввалроқ Нукусда шундай ҳолат 26 апрель ва 19 май куни юз берган. Апрелда 21 ёшли қиз, май ойида эса 16 ёшли қиз ўзини каналга ташлаганди.
Мавзуга доир:
- Тошкентдаги Бўрижар каналида чўкиб кетаётган икки кишини қутқариб қолган ФВВ ходимларидан бири ҳалок бўлди
- Анҳор каналида чўкаётган қизни қутқарган эркакнинг ўзи сувга чўкиб кетди
- Тошкентдаги Damasҳи каналида 16 ёшли йигит чўкиб кетди
- Самарқанддаги сув омборида чўкиб кетаётган фуқаро қутқариб қолинди
- Қашқадарёда 14 ёшли бола каналда чўкиб кетиб, вафот этди
Изоҳ (0)