Қашқадарё вилоятининг Деҳқонобод туманида Lada, Nexia ва Damas иштирокида ЙТҲ содир бўлди. Бу ҳақда туман ҳокимлиги ахборот хизмати хабар берди.
Маълум қилинишича, ЙТҲ 29 май куни соат, тахминан, 15:30-16:00 содир бўлган.
«Nexia ҳайдовчиси Етимқудуқ қишлоғига олиб борувчи йўлга бурилиш учун секинлашган, аммо чапга бурилиш чироқларини ёқмагани учун орқадан келаётган Lada ҳайдовчиси Nexia’га урилган. Зарбдан силжиган Nexia қарама-қарши томондан келаётган Damas’га урилган. Damas Nexiaга урилиб, ағнаган. Бироқ мазкур ЙТҲдан ҳеч ким жабрланмаган. ЙТҲ иштирокчилари етказилган моддий зарарни қоплаш борасида келишувга эришган», — дейди туман Йўл ҳаракати хавфсизлиги бўлими бошлиғи Баҳром Назаров.
Аввалроқ Самарқандда ҳайдовчининг ухлаб қолиши оқибатида «КамАЗ» юк машинаси Isuzu билан тўқнашиб кетгани, Бухорода содир бўлган ЙТҲда эса 14 ёшли мактаб ўқувчиси воқеа жойида ҳалок бўлгани ҳақида хабар берилганди.
Мавзуга доир:
- Самарқандда ҳайдовчининг ухлаб қолиши оқибатида Isuzu юк машинаси дарё қирғоғига ағдарилиб кетди
- Яккасаройда Isuzu автобуси билан тўқнашган Nexia ҳайдовчиси, Яшнободда Matiz уриб юборган йўловчи вафот этди
- Самарқандда ухлаб қолган Cobalt ҳайдовчиси ўзидан олдинги «КамАЗ»га урилиши оқибатида икки йўловчи вафот этди
Изоҳ (0)