Самарқанд шаҳри ҳудудидан ўтувчи М-37А автомобиль йўлининг 35-километрида Isuzu юк машинаси иштирокида йўл-транспорт ҳодисаси содир бўлди, деб хабар беради вилояти ИИБ ахборот хизмати.
Маълум қилинишича, кўнгилсиз ҳодиса 29 май куни соат 05:30 ларда Тошкент—Навоий йўналиши бўйлаб ҳаракатланиб келаётган Isuzu русумли юк машинаси билан содир бўлган. Ҳайдовчининг ухлаб қолиши оқибатида машина Зарафшон дарёсининг қирғоғига ағдарилиб кетган.
Таъкидланишича, мазкур ҳодиса оқибатида ҳеч ким тан жароҳати олмаган.
Аввалроқ Тошкентда машина бошқариш ҳуқуқидан маҳрум қилинган Spark ҳайдовчиси пиёдани уриб юборгани, Оҳангаронда бир-бири билан тўқнашган «КамАЗ» ва Lacetti тўлиқ ёниб кетгани, Навоийда маст пиёдани машина уриб кетиши оқибатида жабрланувчи шифохонада вафот этгани тўғрисида хабар берилганди.
Изоҳ (0)