Британиянинг Rolls-Royce автомобиль ишлаб чиқарувчиси ноёб Boat Tail моделини тақдим этди. Люкс автомобиль фақат уч нусхада тақдим этилган, деб хабар беради «Korrespondent.net».
Машина нархи ҳозирча ошкор этилмаган. Boat Tail ўзи ичига тўрт нафар йўловчини сиғдира олиши маълум бўлиб, унинг узунлиги 5,8 метрни ташкил этади.
«Бу — фақат танланганлар амалга ошира оладиган жуда ноодатий нарса», — дейди компания директори Торстен Мюллер-Отвос. Таъкидланишича, ушбу моделнинг ҳар бир нусхасини яратиш учун 1,8 мингдан ортиқ ноёб эҳтиёт қисмлар ишлатилган.
Boat Tail’нинг орқа қисми яхта палубаси шаклида ишланган. Ҳар бир модель Coachbuild дастури доирасида тўрт йил давомида дизайнерлар билан ишлаган ҳар бир мижоз учун мослаштирилган.
Аввалроқ Hermes модалар уйи Rolls-Royce Phantom’нинг ноёб версиясини яратишда иштирок этгани, шунингдек, Rolls-Royce компанияси Black Badge версиясидаги тўқ кўк кузов ва углепластикдан тайёрланган «Экстаз руҳи» рамзи билан жиҳозланган эксклюзив Cullinan’ни намойиш этгани тўғрисида хабар берилганди.
Изоҳ (0)