Buxoro tumanida sodir bo‘lgan yo‘l-transport hodisasi oqibatida maktab o‘quvchisi vafot etdi. Bu haqda “Daryo”ga viloyat IIB YHXB axborot xizmati rahbari Ulug‘bek Shukrullayev ma’lum qildi.
Ta’kidlanishicha, 2021-yilning 21-may kuni Buxoro tumani hududidan o‘tuvchi 4R-68 xalqaro avtomobil yo‘lining 6-kilometrida 30 yoshli A.G‘. boshqaruvida bolgan “VAZ-2107” maktabdan uyga qaytayotib, piyodalar yo‘lakchasini kesib o‘tayotgan 14 yoshli voyaga yetmagan J.S.ni urib yuborgan. Oqibatda tumandagi 45-maktabning 7-sinf o‘quvchisi J.S. voqea joyida halok bo‘lgan.Haydovchiga nisbatan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Ayni paytda tergov harakatlari davom etmoqda.
Avvalroq Qoraqalpog‘istonda yuz bergan YTH oqibatida 1-sinf o‘quvchisi vafot etgani, Farg‘onada boshqaruvni yo‘qotgan Nexia simyog‘ochga urilishi oqibatida esa 15 yoshli bola halok bo‘lgani xabar berilgandi. Mavzuga doir:- G‘uzorda Nexia yo‘ldan o‘tayotgan piyodani urib ketdi. Jabrlanuvchi shifoxonaga yetmay vafot etdi
- Andijonda tungi chiroqlar bilan yoritilmagan yo‘lda sodir bo‘lgan YTHda 22 yoshli ikki yigit vafot etdi
- Sirdaryoda Lacetti yo‘lni kesib o‘tayotgan piyodani urib yubordi. Jabrlanuvchi voqea joyida halok bo‘ldi
- Andijonda tezlikni oshirgan Spark haydovchisi ona-bola piyodaning o‘limiga sababchi bo‘ldi
