Qashqadaryo viloyatining Dehqonobod tumanida Lada, Nexia va Damas ishtirokida YTH sodir bo‘ldi. Bu haqda tuman hokimligi axborot xizmati xabar berdi.
Ma’lum qilinishicha, YTH 29-may kuni soat, taxminan, 15:30-16:00 sodir bo‘lgan.
“Nexia haydovchisi Yetimquduq qishlog‘iga olib boruvchi yo‘lga burilish uchun sekinlashgan, ammo chapga burilish chiroqlarini yoqmagani uchun orqadan kelayotgan Lada haydovchisi Nexia’ga urilgan. Zarbdan siljigan Nexia qarama-qarshi tomondan kelayotgan Damas’ga urilgan. Damas Nexiaga urilib, ag‘nagan. Biroq mazkur YTHdan hech kim jabrlanmagan. YTH ishtirokchilari yetkazilgan moddiy zararni qoplash borasida kelishuvga erishgan”, — deydi tuman Yo‘l harakati xavfsizligi bo‘limi boshlig‘i Bahrom Nazarov.
Avvalroq Samarqandda haydovchining uxlab qolishi oqibatida “KamAZ” yuk mashinasi Isuzu bilan to‘qnashib ketgani, Buxoroda sodir bo‘lgan YTHda esa 14 yoshli maktab o‘quvchisi voqea joyida halok bo‘lgani haqida xabar berilgandi.
Mavzuga doir:
- Samarqandda haydovchining uxlab qolishi oqibatida Isuzu yuk mashinasi daryo qirg‘og‘iga ag‘darilib ketdi
- Yakkasaroyda Isuzu avtobusi bilan to‘qnashgan Nexia haydovchisi, Yashnobodda Matiz urib yuborgan yo‘lovchi vafot etdi
- Samarqandda uxlab qolgan Cobalt haydovchisi o‘zidan oldingi “KamAZ”ga urilishi oqibatida ikki yo‘lovchi vafot etdi
Izoh (0)