Финляндияда Ханну Лаурикайнен исмли собиқ амалдор офис ишидан воз кечишни анчадан буён режалаштириб юрган. Иш фаолиятини тубдан ўзгартиришга пандемия сабаб бўлган: Лаурикайнен ўз орзусини амалга ошириб, Хелсинки яқинида эски «Жигули»ларни ижарага бериш марказини очди, деб хабар беради Motor.

Фото: «Ylе.fi»

Эркак ўзининг кичик фирмасини Siperian Hummeri Ой ёки «Сибир қисқичбақаси» дея рўйхатдан ўтказган. Фин тилида «hummeri» сўзи ҳам қисқичбақа, ҳам Hummer йўлтанламасини англатади. «Ҳаммер»нинг ўзига хос муқобили сифатида Lada Niva’ни келтириш мумкин.

Бугунги кунда автомобилларни ижарага бериш билан шуғулланувчи мазкур автопаркда экспорт қилинган ва Болтиқбўйи мамлакатларидан Финляндияга олиб келинган ўнлаб «Жигули»ларни учратиш мумкин. Уларнинг саккизтаси ижарага олинган. Лаурикайнен ўзининг кичик коллекцияси эски омборхона ҳовлисига жойлаштирган ва ҳар бирига ном берган: ҳаворанг «ВАЗ-21013» (Lada 1200S)ни у Nappisilmä («Мунчоқкўз»), тўқ сариқ «ВАЗ-2103»ни — Troikka, яшил Lada Niva’ни — Boss деб атайди.

Фото: «Ylе.fi»

Лаурикайненнинг сўзларига кўра, ҳозирча сервис у қадар машҳурликка эришмаган, бироқ келган ҳар бир мижоз унинг учун қадрли. Масалан, Mercedes-Benz’да келган бизнесменлардан бири учрашувга бориш учун «ВАЗ-2106»ни ижарага олган. У анчадан буён «Жигули» сотиб олиш ниятида юрганини, бироқ уни ҳайдаб кўрганидан сўнг, бу фикрдан қайтганини билдирган.

Фото: «Ylе.fi»

Собиқ амалдорнинг сўзларига кўра, у узоқ йиллар Финляндиядаги совет автомобиль саноатининг мухлиси бўлган. Лаурикайнен ўзида ҳар бир ноёб автомобилни мустақил таъмирлай олади. Эркакнинг тан олишича, «Жигули»ларни ижарага бериш орқали пул ишлаш — «мутлақо телба ғоя», бироқ ҳозирча у сиёсатдан кетиш борасидаги қароридан афсуслангани йўқ. Тез орада у ўз автопаркини янги Lada’лар билан бойитишни, шунингдек, янги сервис ишга туширишни режалаштирган.

Фото: «Ylе.fi»