АҚШнинг Шимолий Каролина штатидаги «Аҳмоқлик кўприги» навбатдаги «қурбон»ни тутиб олди. Ҳисоб бўйича 167-бўлган юк машина ҳайдовчиси содир бўлган ҳолатга қарамай, ҳаракатланишни давом эттирган, деб хабар беради Motor.
Дарем шаҳри расмийлари темир йўл кўпригига оид вазиятни ҳал этгунига қадар унинг остига кўпаб юк машиналар тиқилиб қолишга улгурди. 2019 йилда конструкция 20 сантиметрга кўтарилган, кўприк олдига ёрқин сариқ тўсиқ ва кўплаб огоҳлантирувчи белгилар ўрнатилган.
Мазкур ечим қисман ёрдам берган. Сўнгги видеога кўра, юк машиналари «Аҳмоқлик кўприги»га тиқилиб қолмаяпти, бироқ унинг остидан ўтиш вақтида том қисмидан айрилмоқда. Бу каби ҳолат 11 май куни, катта юк машина ҳайдовчиси билан ҳам содир бўлган. Эътиборли жиҳати, авариядан кейин ҳайдовчи ҳеч нарса бўлмагадек ҳаракатланишни давом эттираверган.
Эслатиб ўтамиз, 2021 йилнинг март ойида Австралияда ҳам «аҳмоқлик кўприги» пайдо бўлгани, ўша вақтда унга 124-автомобиль тиқилиб қолгани тўғрисида хабар берилганди.
Изоҳ (0)